الشعر اللي زرعته وقع بعد شهرين بس وابتديت تقلق؟
اللي أنت ماتعرفوش أن المرحلة دي بنسميها مرحلة السكون، البصيلات اللي اتزرعت كلها بتكون وقعت في الفترة دي ولسه البصيلات الجديدة ماطلعتش، ودي بتختلف مدتها على حسب كل حالة.
بس عموماً دي بتبقي مرحلة طبيعية للشعر ولازم يمر بيها، واحنا بنعتبرها أول مرحلة لظهور ونمو البصيلات الجديدة، أو زي ما بنقول الفترة اللي فروة الرأس فيها بتستعد وتتهيأ لاستقبال الشعر الجديد.
وبدايتها بتكون من بعد الشهر التاني وممكن تكمل مع بعض الحالات لحد الشهر الرابع كمان.
طبعاً الاختلاف في طول المدة ده بيرجع لعوامل كتيرة منها طبيعة فروة الرأس نفسها، وصحة المريض، وطبيعة الشعر نفسه وحاجات تانية كتير.
عموماً الفترة دي نسبة نمو البصيلات بيكون فيها بسيط إلى حد ما ولكن بتنمو عادي وبنقدر نلاحظها بس بشكل ضعيف شوية.
في النهاية كل حالة عملت عملية زراعة شعر لازم تمر بنفس المرحلة دي قبل ظهور الشعر النهائي اللي هيكمل معانا طول العمر بعد كده.